تأکید وزیر صنعت و تجارت به برگزاری نمایشگاههای مشترک صنایعدستی زنان افغان – تاجیک
دوشنبه ۱۷ جوزا ۱۴۰۰
نثاراحمد غوریانی وزیر صنعت و تجارت جمهوری اسلامی افغانستان و هیئت همراهشان در بازدید از یک نمایشگاهی صنایعدستی زنان تاجیک در شهر دوشنبه به برگزاری نمایشگاههای مشترک صنایعدستی (دستدوزی) زنان افغان – تاجیک در افغانستان و تاجیکستان تأکید کرد.
آقای غوریانی در مراسم افتتاح نمایشگاهی صنایعدستی اطلس و آدرس زنان تاجیکستان گفت که زنان افغانستان نیز مانند زنان تاجیک؛ صنایعدستی و لباسهای با نمادفرهنگ اصیل افغانی تولید میکنند و ما میخواهیم، نمایشگاههای مشترک صنایعدستی زنان افغان – تاجیک در شهرهای مختلف دوکشور در آیندهی نزدیک برگزار شود.
این نمایشگاه با حضور معاون نخست وزیر جمهوری تاجیکستان، نثاراحمد غوریانی وزیر صنعت و تجارت جمهوری اسلامی افغانستان و هیئت همراهشان، وزرای صنعت و تکنالوژی نو، رشداقتصاد و تجارت، کار و اموراجتماعی تاجیکستان و نمایندگان سکتورخصوصی افغاستان – تاجیکستان در شهر دوشنبه افتتاح شد.
نثاراحمد غوریانی وزیر صنعت و تجارت افغانستان در رأس یک هیئت دولتی – سکتورخصوصی به دعوت رسمی وزیر صنعت و تکنالوژی نو جمهوری تاجیکستان به هدف گسترش روابط همکاریهای اقتصادی، صنعتی و تجارتی – ترانزیتی به شهر دوشنبه به سر میبرد.
