دتولیدي شرکتونو د ستونزو او ننګونو ارزونه

شنبه دغبرګولي ۱۴نیټه: ۱۴۰۱ کال

ښاغلی سید جاوید سادات د لومړنیو صنایعو رئیس   ننګرهارولایت ته  په خپل سفر کې د کرنیزو محصولاتو د تولید فابریکو په ځانګړې توګه د چرګانو د دانې د تولید فابریکې له استازو او مسئولینو سره وکتل؛  د هغوی ستونزې او ننګونې وڅیړلې.

 یاده غونډه چې د دې ولایت د صنعت او سوداګرۍ ریاست په همغږۍ په لاره اچول شوې ، په پیل کې ښاغلي سادات د صنعت او سوداګرۍ وزارت لاسته راوړنې او برنامې تشریح کړې او د متقاضی شرکتون د ترجیحي تعرفې داسنادو  د طی مراحلو ، او صنعت کارانو ته د آسانتیا د راوستلو په اړه يې بشپړ معلومات  وړاندې کړل همدارنګه  د ننګر هار ولایت صنعت کارانو د صنعت او سوداګرۍ وزارت له دوامداره ملاتړ او پاملرنې څخه مننه وکړه او خپله خوښي څرګنده کړه او هریوه د شته فرصتونو او ننګونو په اړه څرګندونې وکړې  او له دې وزارت څخه د لاډیر ملاتړ غوښتونکي شول.

دغونډې په لړ  کې د لومړنیو صنایعو رئیس  ښاغلي سید زیاته کړه او وویل:  د صنعت او سوداګرۍ وزارت پالیسي له کورنیو تولیداتو څخه ملاتړ دی او د صنعت کارانو د ستونزو او خنډونو د حل لپاره به خپلې هڅې ونه سپموي.

په اخر کې ښاغلي سادات له ورسره پلاوي سره د ننګر هار ولایت د کرنې او مالدارۍ خونې څخه لیدنه وکړه او ددې خونې له مشرتابه غړو سره یې د کاري پیاوړتیا د وضعیت په اړه یی په مفصله توګه خبرې وکړې.

د یادونې وړ ده چې یاد سفر دصنعت او سوداګرۍ وزارت سرپرست ښاغلي نورالدین عزیزی،پر هدایت ترسره شوی دی.