دیدار وزیر صنعت و تجارت با سفیر تاجیکستان در کابل

سه شنبه ۷ ثور ۱۴۰۰

نثاراحمد غوریانی وزیر صنعت و تجارت دولت جمهوری اسلامی افغانستان در دفتر کارش با سعدی شریفی سفیر جمهوری تاجیکستان در کابل دیدار و روی همکاری های دوجانبه گفتگو کرد.

در این نشست وزیر صنعت و تجارت بر گسترش روابط مشترک تجارتی و ترانزیتی میان افغانستان و تاجیکستان تاکید کرد.

وزیر صنعت و تجارت همچنان تاجیکستان را یکی از کشورهای مهم برای صادرات محصولات افغانستان عنوان کرد.

از سوی دیگر سعدی شریفی سفیر تاجیکستان در افغانستان بر گسترش هر چه بهتر روابط تجارتی و ترانزیتی میان دو کشور تاکید کرد.

سفیر جمهوری تاجیکستان همچنان گفت که در این اواخر روابط تجارتی میان دو کشور افزایش یافته است و این می تواند به نفع هر دو کشور در دراز مدت باشد.

سفیر تاجیکستان در کابل همچنان به علاقمندی سرمایه گذاران تاجکستانی به سرمایه گذاری در سکتور های مختلف در ولایات افغانستان نیزیاد آوری کرد.