صادرات ماشین آلات «خرمن کوب» ساخت افغانستان به کشور تاجیکستان، نوید خوش به صنایع کشور

برای اولین بار 12 دستگاه ماشین خرمن کوب «تریشر» ساخت افغانستان به ارزش مجموعی 2.4 میلیون افغانی به کشور تاجیکستان صادر گردید. این ماشین آلات زراعتی را شرکت تاجیکی خورشید از شرکت افغان جاوید خریداری و قرار است منبعد تعداد بیشتری از این ماشین آلات به آن کشور صادر گردد.

قابل ذکر است که دفتر اتشۀ تجارتی کشور سال گذشته نشست سه جانبۀ را بین سکتور خصوصی افغانستان، بیلاروس و تاجیکستان در شهر دوشنبه برگزار نمود که در نتیجه شرکت افغان جاوید با شرکت اگروتیک تاجیکی- بیلاروسی قرارداد سه جانبۀ خرید ماشین آلات زراعتی و ایجاد ۴ مرکز سرویس دهی این نوع ماشین آلان را به امضاء رساندند.