نشست میان نمایندگان ا.ا.ا و اوزبیکستان افتتاح شد

یک‌شنبه مورخ 10صفرالمظفر 1445 / 5سنبله 1402

محترم مولوی قدرت‌الله جمال معین وزارت صنعت و تجارت ا.ا.ا و آقای  ناظم‌جان خالمرادوف معین نخست وزارت سرمایه‌گذاری، صنعت و تجارت جمهوری اوزبیکستان با حضورداشت هیئت آن کشور و نمایندگان ادارات ا.ا و سکتورخصوصی افغانستان نشست میان نمایندگان ا.ا. افغانستان و اوزبیکستان را افتتاح نمود.

محترم مولوی قدرت‌الله جمال  اوزبیکستان را همسایه خوب دانسته از هیئت آن کشور خواست که زمینه برای سرمایه‌گذاری مساعد است و در افغانستان سرمایه‌گذاری نمایند.

آقای مولوی جمال در رابطه به اعتماد و هماهنگی میان دوکشور، بلندبودن فیس ترانزیتی بالای اموال صادراتی افغانستان، افزایش فعالیت‌های گمرکی، صدور ویزه تجارتی به تاجران کشور، نشست‌های سه‌جانبه میان افغانستان، اوزبیکستان و جمهوری پاکستان، نهای‌سازی موافقت‌نامه میان افغانستان، اوزبیکستان و قزاقستان و صادرات محصولات افغانستان به آن کشور، ایجاد میکانزم در این بخش و کاهش تعرفه گمرکی صحبت نمود.

سپس آقای ناظم‌جان خالمرادوف با تشکری از استقبال و مهمانی نوازی هیئت اوزبیکستان در کابل، در رابطه به ملاقات‌شان با محترم الحاج نورالدین عزیزی وزیر صنعت و تجارت ا.ا.ا و سکتورخصوصی افغانستان معلومات ارایه نموده، همکاری شان را در بخش زراعت و معادن و سایر بخش‌ها اعلام داشت.

ایشان اظهار داشت موضوعات مورد بحث در نشست را به کشورش انتقال می‌دهند.

در اخیر محترم محمدیونس مهمند و محترم خیرالدین مایل به نمایندگی از اتاق تجارت و سرمایه‌گذاری افغانستان صحبت نموده و حمایت شان را از صحبت‌های محترم مولوی قدرت‌الله جمال معین وزارت صنعت و تجارت اعلام داشت.