پنج موافقت‌نامه‌ تجاری و سرمایه‌گذاری میان افغانستان و اوزبیکستان امضا شد

شنبه ۱۳ صفرالمظفر ۱۴۴۶ / ۲۷ اسد ۱۴۰۳

در حضور محترم ملا عبدالغنی برادر آخند، معاون اقتصادی رئیس‌الوزراء امارت اسلامی افغانستان و محترم عبدالله عارف‌اف، صدراعظم جمهوری اوزبیکستان میان وزارت صنعت و تجارت افغانستان و وزارت سرمایه‌گذاری، صنعت و تجارت کشور اوزبیکستان ۵موافقت‌نامه در عرصه‌های تجارت و سرمایه‌گذاری میان افغانستان و اوزبیکستان به امضا رسید.

همچنین جهت توسعه و تحکیم روابط اقتصادی میان وزارت‌های محترم معادن و پطرولیم، زراعت، آبیاری و مالداری و مالیه امارت اسلامی و وزارت‌های مربوطه جمهوری اوزبیکستان توافق‌نامه‌های امضا شد.

در محفلی که به همین مناسبت در ارگ برگزار گردیده بود؛ صدراعظم جمهوری اوزبیکستان با تاکید به حمایت از افغانستان در مجامع بین‌المللی، گفت: ما آماده همکاری با افغانستان استیم و نظر رئیس جمهور ما این است که بدون تعامل با حکومت فعلی پیشرفت امکان پذیر نیست.