د صنعت او سوداګرۍ وزارت د معین په مشرۍ د پاکستان سفر مهمې پایلې

چهارشنبه27 محرم الحرام 1447 / 1 اسد 1404

د صنعت او سوداګرۍ وزارت د معین مولوي احمدالله زاهد په مشرۍ لوړپوړی پلاوی له دوه ورځني سفر وروسته له پاکستانه کابل ته را ستون شو. یاد سفر د دواړو هېوادونو ترمنځ د سوداګرۍ او ترانزیټي همکاریو په برخه کې رغنده پایلې درلودې. مهم تفاهمات په لاندې ډول دي:

          1.       د زراعتي توکو لپاره د ترجیحې تعرفې تړون امضا شو؛

          2.       د انګور اډه به د ۲۰۲۵م د اګست ۳۱مه بېرته پرانیستل شي؛

          3.       د APTTA تړون د امضا لپاره تخنیکي بحثونه پيل شول؛

          4.       د افغان ټرانزیټ لپاره په کراچۍ کې د کراس‌سټفینګ هوکړه وشوه؛

          5.       د ګډو نندارتونونو جوړولو پرېکړه وشوه؛

          6.       د زغالو صادراتو اسانتیاوو ته د ودې بحث وشو؛

          7.       د غالیو سکتور پراختیا او بازارموندنه تر بحث لاندې ونیول شوه؛

          8.       د ممنوعه توکو پر موضوع د تفاهم لپاره ژمنتیا څرګنده شوه؛

یاد سفر د افغانستان لپاره د سیمه‌ییزې سوداګرۍ او اقتصادي پراختیا په برخه کې یو مهم ګام ګڼل کېږي.