افغانستان اسلامي امارت پلاوی د ایران په سفر ولاړ
جمعه ۱۶ رجب المرجب ۱۴۴۶ / ۲۸ مرغومی ۱۴۰۳
د افغانستان د اسلامي امارت یو پلاوی د صنعت او سوداګرۍ وزارت د ترانزیت چارو د رییس محترم محمدالله بختیار په مشرۍ نن جمعه سهار د ۱۴۰۳ لمریز کال د مرغومي(جدې) په ۲۸ مه د ایران اسلامي جمهوریت ته روان شو.
دغه سفر ایران ته د افغانستان د اسلامي امارت د هغه لوړ رتبه پلاوي تر سفر وروسته ترسره کېږي چې د ریاست الوزرا د اقتصادي مرستیال محترم لا عبدالغني برادر په مشرۍ ایران ته ترسره شوی و او د پلاوي په ترکیب کې د صنعت او سوداګرۍ وزارت سرپرست محترم الحاج نورالدین عزیزي هم حضور درلود.
ایران ته ددې پلاوي له سفر څخه موخه، تفاهم ته رسیدلیو موضوعاتو د تخنیکي چارو تعقیب او په چاه بهار بندر کې د افغانستان اسلامي امارت د دایمي استازولی جوړول دي.
