افغانستان؛ د منځنۍ او سویلي آسیا هیوادونو تجارتي__ ترانیټي دهلیز
سهشنبه د لیندۍ ۲۵مه 1399
دچا بهار بندر داقتصادي پیوستون په غونډه کې دیادې سوداګریزې او ترانزیټي لارې په اړه دافغانستان په رول خبرې وشوې.
د صنعت او سوداګرۍ وزیر ښاغلي نثار احمد غوریاني چې د چابهار د اقتصادي پیوستون په غونډه کې یې خبرې کولې وویل: افغانستان دخپل ستراتیژیک جغرافیایی موقیعت په درلودلو سره کولاي شي د چابهار بندر له لارې د منځنۍ اوسویلي آسیا د سوداګریز او ترانزیټي دهلیز په توګه د سیمي د پیوستون د څلور لارې رول ولوبوي.
ښاغلي غوریاني زیاته کړه چې د چابهار بندر د سوداګرۍ او ترانزیټ له اړخه افغانستان لپاره مهم دی او په هغې پانګونې سره چې په دې بندر کې ترسره شوې ده ښکیلو هیوادونو ته زیاته ګټوره تمامیدای شي.
د خواف ــ هرات د اوسپنې پټلۍ پرانستلو او له دې لارې د سوداګرۍ او ترانزیټ له پیل سره د منځنۍ او سویلي آسیا هیوادونه نښلول شوي او کولای شې خپلو سوداګریزو اړیکو ته پراختیا ورکړي.
په دې ناسته کې د ایران اسلامي جمهوریت سفیر ښاغلي بهار امینیان او په کابل کې د هندوستان سفارت سیاسي استازي هم د چابهار بندر د سوداګریز ــــ ترانزیټي موقیعت او د سیمې د پیوستون د دهلیز په توګه د افغانستان په رول خبرې وکړې،د سوداګریزو او ترانزیټي همکاریو پراختیا يې د سیمې د هیوادونو په ګټه وبلله.
د دې وزارت رهبرۍ له ګاونډیو او سیمې هیوادونو سره سوداګرۍ او ترانزیټ په هکله څو اړخیزې خبرې اترې پیل کړي، چې تراوسه يې د پام وړ پایلې درلودلې دي.
د یادونې وړ ده چې افغانستان ـــــ پاکستان ترمنځ د سوداګرۍ او ترانزيټ د هوکړه لیک د همغږۍ کمیټي اتمه ناسته په راتلونکې اوونۍ کې د پاکستان په پلازمینه اسلام اباد کې پیل کیږي.
چې ددې هوکړه لیک په بشپړیدو سره به د سوداګریزو او ترانزیټي همکاریو کچه د پخوا په پرتله لا زیاته شي.
