دافغانستان او پاکستان تر منځ دسوداګرۍ او ترانزيټ داسانتياوو د رامنځته کولو په اړه غونډه ترسره شوه
چهارشنبه دتلې 23مه 1399
دافغانستان او پاکستان ترمنځ دسوداګرۍ او دمرزي ترانزيټ په اړه د اسانتياوو درامنځته کولو غونډه د دولت دلوړ پوړو چارواکو ، خصوصي سکتور، دصنعت او سوداګرۍ دسرپرست وزير ښاغلي نثاراحمد غورياني، دپاکستان په چارو کې د ولسمشر ځانګړي استازي ښاغلي محمد عمر داودزي په ګډون ترسره شوه، ديادونې وړ ده چې دغه غونډه د امريکا دمتحده ایالاتو دنړيوالې پرمختيايي ادارې په مرسته جوړه شوې وه.
په دغې غونډه کې دافغانستا او پاکستان تر منځ دسوداګرۍ او ترانزیټ په وړاندې دخنډونو دمعلومولو په اړه بحث ترسره شو.
متحده ايالات هڅه کوي چې دافغانستان او پاکستان تر منځ دسوداګرۍ او ترانزيټ په برخه کې اسانتياوې رامنځته کړي ، هغه څه چې ددواړو هېوادونو په ګټه دي.
همداراز افغانستان او پاکستان هم غواړي چې په خپل منځ کې سوداګريزې او ترانزیټي ستونزې را کمې کړي ، بل پلو دواړو غاړو هوکړه کړې چې دروانې میاشتې په وروستيو کې په همدې اړه یو کنفرانس جوړ کړي.
