دافغانستان دصادراتو دملي تګلارې دبورد دریمه غونډه ترسره شوه
چهار شنبه: دلیندۍ ۲۶مه ۱۳۹۹
دافغانستان دصادراتو دملي تګلارې دبورد دریمه غونډه دیاد وزارت دکنفرانسونو په تلار کې دصنعت او وسوداګرۍ وزیر ښاغلي نثار احمد غوریاني په مشرۍ، دخصوصي سکتوراو اړونده دولتي استازو په ګډون تر سره شوه.
ښاغلي غوریاني وویل، داچې اوس د افغانستان دصادراتو وړتوکو کې ډیروالی راغلی، نو ښایي چې په دې اړه تر ډیره د بازارموندنې په بخرخه کې ښه همغږي رامنځته شي او زیاته یې کړه دهېواد دمحصولاتي توکو دبازارموندنې نوې طرحه چمتو شوې او په پلي کېدو سره به یې دصادراتو په وړاندې پراته خنډونه له منځه لاړ شي.
دصنعت او سوداګرۍ وزیر ښاغلي غوریاني وویل چې دهېواد دصادراتو په برخه کې دغه وزارت دګاونډیو او سیمې هېوادونو د دوه اړخیزو او څو اړخیزو ۴۴هوکړه لیکونو په یوه طرحه کار کوي چې له دې ډلې څخه یې ۲۲ هوکړه لیکونه بشپړ شوي دي.
دغونډې په پای کې دافغانستان دصادراتو دملي تګلارې دپلي کیدو او پرمختګ، دغالیو له سکتور څخه دملاتړاو یو شمېر نورو موضوعاتو په اړه هم ددغه تګلارې بورد ته راپور وړاندې شو.
