دصنعت او سوداګرۍ وزیر لخواپه کندهارکې خصوصي سکتور ته دچټکو خدماتو وړاندې کولو غوښتنه
یکشنبه: دغوایي ۵مه ۱۴۰۰
د صنعت او سوداګرۍ وزیرښاغلي نثار احمد غوریاني کندهار ولایت ته د خپل سفر پرمهال د دې ولایت د صنعت او سوداګرۍ ریاست له کارکوونکو سره په کتنه کې د کندهار خصوصي سکتور ته د چټکواو وړ خدمتونو په وړاندې کولو ټینګار وکړ.
ښاغلي غوریاني د کندهار د صنعت او سوداګرۍ ریاست پر کارکوونکو غږ وکړ چې د کندهار کسبګرو ، سوداګرو او پانګوالو ته د خدماتو وړاندې کولو پروسه ګړندۍ کړي په شفاف او قانوني ډول سره خپل کار ترسره کړي.
په دې ناسته کې د صنعت او سوداګرۍ وزیر د کندهار ولایت د صنعت او سوداګرۍ ریاست کارکوونکو ته لارښوونه وکړه چې د دغه ولایت د کسبګرو او سوداګرو لپاره ټولې لازمې اسانتیاوې په بیلابیلو برخو کې وړاندې کړي ، په ځانګړي ډول د فعالیت د جوازونود صادرولو په برخه کې .
د صنعت او سوداګرۍ وزارت مشرتابه تل هڅه کړې چې خصوصي سکتور ته د خدماتو وړاندې کولو پروسې ګړندۍ کړي او د هیواد دصنعت او سوداګرۍ ودې او پراختیا لپاره اړونده اسانتیا وې برابرې کړي.
