دکند هارولايت له صنعتکارانو ، سوداګرو او پانګوالو سره دصنعت او سوداګرۍ وزير ليدنه
چهارشنبه: دغوايي لومړۍ 1400
د صنعت او سوداګرۍ وزیر ښاغلي نثار احمد غوریاني چې کندهار ولایت ته يې سفرکړی په دغه ولایت کې د صنعتکارانو ، سوداګرو او پانګوالو سره وکتل او په ياد ولایت کې یې د خصوصي سکتور په وړاندې د فرصتونو او ننګونو په اړه خبرې وکړې.
ښاغلي غوریاني په دې ناسته کې وویل چې کندهار ولایت ته دده د سفر موخه او د دې ولایت خصوصي سکتور سره ناسته له صنعتکارانو ، سوداګرو او پانګوالو سره مخامخ خبرې کول او ددوی د ستونزو حل کول دي.
ښاغلي غوریاني په ټول هیواد کې د خصوصي سکتور د ستونزو پر حل ټینګار وکړ او ورسره مله پلاوي ته یې لارښوونه وکړه چې په کندهار ولایت کې د صنعتکارانو ، سوداګرو او پانګوالو ستونزې وڅيړي تر څو دحل په موخه ورته دحل لارې ومومي او د دوی ستونزې حل شي.
دصنعت اوسوداګرۍ وزیر همدارنګه وویل چې د افغانستان د اسلامي جمهوریت رهبري او دغه وزارت ژمن دی چې د هیواد د اقتصادي ودې اوپراختيا په موخه خصوصي سکتور ته اونده اسانتیاوې برابرې کړي.
په دې ناسته کې د کندهار ولایت د خصوصي سکتور استازو دې ولایت ته د صنعت او سوداګرۍ د وزیر د سفرد هرکلي پرمهال خپلې ستونزې د دغه وزارت له رهبرۍ سره شریکې کړې او د حل په برخه کې یې د همکارۍ غوښتنه وکړه.
ديادونې وړ ده چې د کندهار ولايت د اقتصادي ودې ترانزيټ او - سوداګرۍ مرکز په توګه د صنعت او سوداګرۍ وزارت لپاره ځانګړی اهمیت لري او دې وزارت د دې ولایت د صنعت ، سوداګرۍ ، پانګونې او ټرانزیټ لپاره ځانګړي برنامې په لاره اچولي دي.
