د ارزاقو دولتي شرکت دمديره پلاوي غونډه
یکشنبه دغبرګولي 9 مه 1400
د صنعت او سوداګرۍ وزارت دمعين محمد سلیمان بن شاه په مشرۍ او د ولسمشرۍ ماڼۍ د چاروادارې دپاليسۍ او ستراتيژۍ برخې استازو ، د مالیې وزارت او د ارزاق ریاست شرکت په ګډون د ارزاقو دولتي شرکت د اداري پلاوي غونډه د دغه وزارت د عبدالمجید خان زابلي د کنفرانس په تالار کې جوړه شوه.
د غونډې په پیل کې ، د صنعت او سوداګرۍ وزارت معین وویل چې د دولتي شرکتونو د نوي قانون له مخې؛ د ارزاقو دولتي تصدۍ دارزاقو په دولتي شرکت واوښته او دا شرکت باید ورغول شي.
ښاغلي بن شاه زیاته کړه چې د ولسمشرۍ عالي مقام ، د مالیې وزارت او د صنعت اوسوداګرۍ وزارت غواړي چې دولتي ارزاقو شرکت بیرته خپل اصلي حالت ته راستون کړي ، هغه چې د دولتي ادارو اړتیاوې پوره کړي.
په غونډې کې د ياد شرکت په فرصتونو او ننګونو هم خبرې وشوې ، د شرکت لپاره رییس یا سرپرست ټاکل ، د لنډمهاله اجرایوي کمیټې ګمارنه او د نوي سازمان له تصویب وروسته ، د نوي 1400 مالي کال تنظیم کول ، د شرکت لپاره د نوي بانکي حساب پرانیستل.د سوداګرۍ پلان او نورو اړونده مسلو په اړه بحثونه ترسره شول.
د يادونې وړ ده چې دصنعت اوسوداګرۍ وزارت ، د نورو دولتي ادارو او د مالیې وزارت له رهبرۍ اود دولتي شرکتونو عمومي ریاست سره په همغږۍ ، د دولتي شرکتونودعصري کولو په موخه ، چې اوس په دولتي شرکتونو بدل شوي خپلې هڅې ګړندۍ کړي دي.
