د افغانستان د سوداګرۍ دملی پالیسۍ د نقشې او میکانیزم لومړۍ تخنیکي او مشورتي غونډه
پنجشنبه د وری ۱۹ مه ۱۴۰۰
د افغانستان د سوداګرۍ دملی پالیسۍ د تطبیق دلارې نقشه او میکانیزم غونډه، د دولتي ادارو، خصوصي سکتور او د خصوصي سکتور پراختیا لپاره د اجرایوي کمیټې (پرایسیک) استازو په ګډون د عبدالمجید زابلی د غونډوپه تالار کې ترسره شوه.
په دې ناسته کې ، د افغانستان د سوداګرۍ ملي پالیسۍ د پلي کولو لپاره د لارې نقشې او میکانیزم مسودې په هکله، چې د صنعت او سوداګرۍ وزارت د سوداګرۍ د ملی پالیسۍ د پراختیا اوتطبیق ریاست لخوا برابره شوې ده خبرې اترې وشوې.
همدا رازد افغانستان سوداګرۍ ملی پالیسي د لارې نقشې او میکانیزم کې د دولتي ادارو او خصوصي سکتور دخیلو لوریو خپل نظرونه د صنعت او سوداګرۍ له وزارت سره شریک کړل.
د سوداګرۍ ملی پالیسي، د سوداګرۍ د ملاتړو پالیسیو څخه یوه ده چې په 2019 کې جوړه شوې او د پلی کولو لپآره يې ۲۰۱۹ - ۲۰۲۳ کلونه اټکل شوي دي.
دا تګلاره د بازار اقتصادي ودې پربنست رامنځته شوې ده چې اصلي موخه يې د اقتصادي ودې ،کاري فرصتونو رامینځته کولو او د غربت کمولو پروسې ګړندي کول دي، یاده مسوده به د دې تګلارې په غوره او اغیزمن ډول پلي کولو کې مرسته وکړي.
