د بامیان ولایت د سوداګرۍ خونې د مدیره هیئت ټاکنې تر سره شوې
د بامیان ولایت د سوداګرۍ خونې د مدیره هیئت ټاکنې نن د دې ولایت د ۱۱۹ تاجرانو او پانګه اچوونکو په ګډون د بامیان په ښار کې تر سره شوه.
پدې ټاکنو کې ۷ کسانو د لوړو رایو په لاسته راوړلو د بامیان ولایت د سوداګرۍ خونې د مدیره هیئت د غړو په صفت وټاکل شول او دا کسان به په نږدې راتلونکې کې د دې خونې رییس او معاون وټاکل شي.
د یادونې وړ ده، چې د افغانستان د سوداګرۍ خونې ټاکنې په مرکز او ولایاتو کې د افغانستان د ټاکنو د خپلواک کمیسیون او د صنعت او سوداګرۍ وزارت تر څار لاندې پیل شي.
