د خصوصي پانګوونې د قانون تعدیل او بډاينې ورکشاپ ترسره شو
پنجشنبه: دچنګاښ ۲۴مه ۱۴۰۰
د خصوصي پانګوونې قانون د تعدیل او بډاینې په اړه ورکشاپ د صنعت او سوداګرۍ وزارت د صنعت او سوداګریزوچارو د مرستیال ښاغلي محمد سلیمان بن شاه ، د ولسمشرۍ ادارې د پانګوونې داسانتیا واحد رئیس عطاالله نصیب، دافغانستان دخونو د فدراسیون مرستیال خان جان الکوزی ، د سوداګرۍ او پانګونې اطاق اجرایوي رییس ښاغلي شفیق الله عطایي ، د خصوصي سکتور پانګوالو،ریسانو او یو شمیر ملي سوداګرو په شتون کې د پانګوونې اسانتیا واحد لخوا ترسره شو.
د صنعت او سوداګرۍ معین ښاغلي محمد سلیمان بن شاه وویل چې د خصوصي پانګوونې قانون په تعدیل کې د خصوصي سکتور څخه د نظرونو او وړاندیزونو ترلاسه کول په بیلابیلو سکتورونو کې د پانګونې راجلبولواو د دې قانون د پلي کولو دپانګوونې د ودې یوه لاره ده.
ښاغلي بن شاه دغه راز زیاته کړه چې د صنعت او سوداګرۍ وزارت په بیلابیلو سکتورونو کې د پانګوونې راجلبولو لپاره ، د نړۍ په مختلفو ژبو په افغانستان کې د پانګونې برنډ رامینځته کړی او په هیواد کې یې د پانګونې په هکله معلوماتي کڅوړې د سیمي او نړۍ له پانګوالواو سوداګرو سره شریکې کړې دي.
د افغانستان د اطاقونو فدراسیون معاون ښاغلي خان جان الکوزی ، د سوداګرۍ او پانګونې اتاق اجرایوي رییس شفیق الله عطایي، او د خصوصي سکتور استازو د ولسمشر څخه د پانګوونې د ملاتړ او د خصوصي سکتور څخه مننه وکړه، د یاد قانون د تعدیل په هکله يې خپل نظریات شریک کړل .
د صنعت او سوداګرۍ وزارت په بیلابیلو سکتورونو کې د پانګوونې راجلبولو لپاره چمتو دی ترڅود هیواد په ۸ صنعتي ښارګوټو کې ځمکې و ویشي او په نږدې راتلونکي کې به د پانګوالو لپاره یو شمیر نورو صنعتي پارکونو کې هم وویشل شي.
