سه‌شنبه دلیندۍ ۱۱مه 1399

د صنعت اوسوداګرۍ،فواید عامي اوترانسپورت وزارتونو، د افغانستان د پانګونې او سوداګرۍ خونو،د بلخ،هرات،او اندخوي د سوداګرۍ او پانګونې خونو،دهیواد دترانسپورتي او بارچلولو شرکتونو د استازو ګډه غونډه د افغانستان اسلامي جمهوریت د مقام د ۱۳۹۹-۹-۸ نیټې د ۳۷۰۶ ګڼه لارښوونې د پلي کولو په منظور د صنعت او سووداګرۍ وزارت د غونډو په تالار کې ترسره شوه .

دا غونډه چې د صنعت او سوداګرۍ وزیرښاغلي نثاراحمد غوریاني يې په انلاین ډول مشري کوله نوموړي وويل:د افغانستان اسلامي جمهوریت د جلالتماب جمهوررئیس صریح لارښوونه ده چې باید د صنعت او سوداګرۍ،فواید عامي،ترانسپورت وزارتونه، د پانګونې او سوداګرۍ خونه،دترانسپورتي او بارچلولو د اتحادیو استازي د لوړ ټناج موټرو دبارولو تنظیم مقررې او د هیواد په ریل سټیشنونو کې د واګونونو بارولو او درولو لپاره طرزالعمل په اړه ګډه ناسته ترسره کړي په یاده مقرره او طرزالعمل بیا ځل کتنه وکړي، او د خصوصي سکتور وړاندیزونو په اړه دي لازمه مشوره وکړي.

ښاغلي غوریاني زیاته کړه د لوړټناج موټرو بارولو لپاره نوی مقرره باید د سوداګرۍ د وضعیت ښه والي اوهیواد دسړکونو ویجاړتیا دمخنیوي په موخه دسیمه ایز باروړلو معیارونو سره دپانګونې او سوداګرۍدخونو او ټرانسپورټي شرکتونو استازو سره په مشوره تنظیم شي.

د غوندې په پای پریکړه وشوه چې د صنعت او سوداګرۍ،فواید عامي،ترانسپورت وزارتونږ،دافغانستان د ریل پټلۍ د خپلواکې ادارې،دپانګونې او سوداګرۍ د خونو،د بارچلولو د شرکتونو داتحادي د استازو په ګډون یوه ګډه تخنیکې کمیټې دي رامنځته او د لوړ ټناج موټرو دبارولو تنظیم مقرري او د هیواد په ریل سټیشنونو کې د واګونونو بارولو او درولو د تنظیمو لو په طرزالعمل دي بیا کتنه وکړي.