د صنعت او سوداګرۍ وزارت دمرستیال ټاکنه
پنجشنبه دسلواغې٢٨ مه
ښاغلی مولوی قدرت الله جمال دا.ا.ا دچارو ادارې د اړیکو مرستیال ښاغلي مولوی سیف الدین طیب، د صنعت او سوداګرۍ وزارت ریسانو ،کارکونکو او د یو شمیر قدرمنو میلمنو په شتون کې د صنعت او سوداګرۍ وزارت سرپرست ښاغلي نورالدین عزیزي لخوا د صنعت اوسوداګریزو چارو د مرستیال په توګه ګډونوالو ته ور وپیژندل شو.
د صنعت او سوداګرۍ وزارت مشرتابه په پیل کې میلمنو ته ښه راغلاست ووایه،زیاته یې کړه چې ښاغلی مولوی قدرت الله جمال د ښوو تجربو لرونکي او هیواد ته ژمن شخص دی.
د چارو د ادارې د اړیکو مرستیال ښاغلی مولوی سیف الدین طیب د صنعت او سوداګریزو چارو د مرستیال د مقررۍ حکم ولوست،زیاته یې کړه چې د صنعت او سوداګرۍ وزارت د هیواد د کلیدي وزارتونو څخه دی،چې دهیواد په پرمختیا کې ارزښتناک رول لری.
ښاغلی مولوی قدرت الله جمال د امیر المومنین او افغانستان ا.ا له مشرتابه څخه پر هغه د اعتمادڅخه مننه وکړه، د وزارت له کارکونکو یې غوښتنه وکړه تر څو د سوداګرو او خصوصي سکتور له غړو سره ښه او نیکه چلند وکړي.
د هیواد ولسونو،د حکومت مشرتابه، خصوصي سکتور او د مجلس ګډونوالو ته يې له خپلې ژمنتیا او نیکې ارادې څخه ډاډ ورکړ.
ښاغلی مولوی قدرت الله جمال د امیر المومنین د ١٤٤٣\٧\٦ نیټې (٢٢٩) ګڼې لارښوونې اود رییس الوزرا د ١٣٤٣\٧\٨ نیټې (١١٩٠) ګنه حکم پر بنسټ په فوق رتبه بست کې د صنعت او سوداګرۍ وزارت، د صنعت او سوداګریزو چارو د مرستیال په توګه وټاکل شو.
