چهارشنبه د کب ۱۳ مه ۱۳۹۹

د صنعت او سوداګرۍ وزیر ښاغلي نثار احمد غوریاني له ننګرهار ولایت څخه لیدنه وکړه او په ولسي جرګه کې د ننګرهار د دخلکو له استازو ، کسبګرو او يو شمير چارواکو سره په کتنه کې وویل چې د خصوصي سکتور او د ننګرهار پانګوالو د سوداګرۍ او ترانزیتي ستونزو حل د دې وزارت لومړیتوب دی .

ښاغلي غوریاني زيانته کړه چې جلال اباد ته دده د سفر موخه د خصوصي سکتور ستونزې او ننګونې څيړل او په دې ولایت کې د پانګونې فرصتونه ترلاسه کول او له خصوصي سکتور سره سلا مشورې کول او په نوي افغانستان کې د دوی نظریات او وړاندیزونه شاملول دي. د ترانزیت او سوداګرۍ تړون ‌د پاکستان سره دی.

د صنعت او سوداګرۍ وزیر همدارنګه وویل چې د دې لیدنې په ترڅ کې به د تورخم ګمرک کې د سوداګرو ګمرکي ستونزې وڅیړي او د دوی نظرونه به ترلاسه کړي ، دوی به د دولتي بنسټونو له چارواکو سره د دوی د ستونزو حلولو پر لارو چارو بحث وکړي. په دې ناسته کې صنعتکارانو ، سوداګرو او په پارلمان کې د ننګرهار ولایت استازو په داسې حال کې چې د جلال اباد ښار ته د صنعت او سوداګرۍ وزیر ته ښه راغلاست وویل ، د خصوصي سکتور په وړاندې پرتې ستونزې او ننګونې یې د صنعت او سوداګرۍ وزیر سره شریکې کړې او د هغوی نظریات یې هم څرګند کړل د افغانستان - پاکستان د ترانزیت - سوداګرۍ تړون وړاندې شو. د صنعت او سوداګرۍ وزیر نثار احمد غوریاني د ننګرهار خصوصي سکتور ستونزې او ننګونې او د اپټا په اړه د هغوی نظریات ترلاسه کولو پرمهال وویل چې د وزارت رهبري د ولسمشر د ځانګري هدایت پربنسټ به ددوی دستونزو په حل کی هر راز مرسته وکړی