د صنعت کارانو انجمن سره صنعت او سوداګریزو چارو مرستیال لیدنه
سهشنبه دوری ۱۰ مه ۱۴۰۰
د صنعت او سوداګرۍ وزارت د صنعت او سوداګریزو چارو مرستیال ښاغلي محمد سلیمان بن شاه د صنعت کارانو انجمن د رهبرۍ غړو سره د عبدالمجید زابلي د غونډو په تالار کې ولیدل،د صنعت کارانو او د کابل ولایت په صنعتی پارکونو کې د فابریکو لرونکو سره یې د هغوي پر ستونزو خبرې وکړې.
په دې لیدنه کې د کابل ولایت په صنعتي ښارګوټو کې د صنعت کارانو ستونزې د صنعت کارانو د انجمن د رهبرۍ غړو لخوا دصنعت کارانو لپاره د ځمکې نشتوالي ،د چاپریال ستونزې،دبریښنا کموالي،د تخنیکې کارکونکو نشتوالې ،اداري فساد او نورو برخو کې یاد معینیت سره شریکې کړي.
د صنعت او سوداګرۍ مرستیال ښاغلي محمد سلیمان بن شا وویل د صنعت کارانو د ستونزو د حل لپاره دې وزارت کې کار روان دی او په نږدې راتلونکې کې به یې عمد ستونزې حل شي.
ښاغلي بن شاه زیاته کړه روڼوالی ددې وزارت د رهبرۍ د لومړیتوبونو څخه دی،ددې وزارت اړوند ټولې کړنې او معلومات د خصوصي سکتور استازو سره شریک کیږي.
نوموړی زیاته کړه د تعرفې په کمیټه کې د روڼتیا په هکله د صنعت کارانو د ضرورت وړ اومه توکو او ماشین الاتو په هکله د ګمرکي تعرفي دمعافیت د غوښتنې چارود چټکتیا لپاره د یادې کمیټې غونډې زیاتوالی پیدا کوي.
تخنیکي کارکونکو د کمبود په هکله ښاغلي بن شاه وویل دا وزارت په پام کې لری چې د نړیوالو بنسټونو په همکارۍ د فابریکو تخنیکي کارکونکو ته د تخنیکي او مسلکي زده کړې پروګرامونه جوړ کړي .
د خصوصي سکتور په ځانګړي ډول د صنعت کارانو د ستونزو حل د وزارت د رهبرۍ لومړیتوبونه دي، په دې برخه کې وزارت بشپړ پروګرامونه ترتیب کړي چې د خصوصي سکتور د نظریاتو په اخیستلوسره به په نږدې راتلونکي کې پلی شی.
