د نړیوال سوداګریز سازمان سره د افغانستان د ژمنو په تعقیب ټینګار.
دوشنبه د کب ۱۸ مه ۱۳۹۹
د نړیوال سوداګریز سازمان د وزارتونو ترمنځ دکمیټې دولسمه تخنیکې غونډه او د سوداګریزو اسانتیاوو تړون غونډه د صنعت او سوداګرۍ د وزیر ښاغلي نثار احمد غوریاني په مشري، د دولت ،خصوصي سکتور او نړیوالو غړوبنسټونو د استازو په ګډون ددې وزارت د غونډو په تالار کې ترسره شوه .
د غونډې په پیل کې د صنعت او سوداګرۍ وزیر ټینګار وکړ چې د نړیوال سوداګریز سازمان سره د افغانستان ژمنې او د سوداګریزو چارو د اسانتیا تړون دې په جدې توګه تعقیب او پلي شي.
ښاغلي غوریانی زیاته کړه چې د نړیوال سوداګریز سازمان سره د افغانستان د ژمنو،تعقیب او پلي کول،د سوداګریزو اسانتیاووتړون ، د نړۍ سره د افغانستان د سوداګرۍ د پراختیا او معیاري کولو لپاره زمینه برابروي.
په دې غونډه کې په کمیټه کې شاملو دولتي او خصوصی سکتور غړو دنړیوال سوداګریز سازمان او سوداګریزو اسانتیاوو د تړون پر وړاندې د خپلو ژمنو په هکله راپور وړاندې کړ.
