د ځانګري اقتصادي زونونو ریاست سره ناسته
سه شنبه مورخ 14 شعبان المعظم 1444 / 16 کب 1401
د صنعت او سوداګرۍ وزارت مرستیال ښاغلي الحاج مولوی قدرت الله جمال د ځانګري اقتصادي زونونو ریاست مسئوولینو او تخنیکي ټیم سره ناسته تر سره کړه.
په دي ناسته کې د ځانګري اقتصادي زونونو مسئوولین د اقتصادي زونونو د قوانینو، مقرراتو، فعالیتونو، په داخلي تولیداتو او اقتصادي فعالیتونو باندي د ځانګړي اقتصادي زونونو مثبت اغیز، د صادراتو د ودې په برخه کې د آسانتیاوې رامنځته کول، او کاري پرمختګونو په اړه هر اړخیزه معلومات وړاندې کړل.
د صنعت او سوداګرۍ وزارت مرستیال ښاغلي مولوي قدرت الله جمال د ځانګري اقتصادي زونونو له مسئوولینو څخه مننه وکړه او د الله جل جلاله له دربار څخه په چارو کې د لا بریاليتوب او پرمختګ غوښتوونکې شو، همدا راز ښاغلي جمال وویل د ا ا ا مشرتابه او په ځانګري توګه د صنعت او سوداګرۍ وزارت موخه د هیواد د اقتصاد پراختیا، صنعت کارانو او سوداګرو ته لازمي آسانتیاوې برابرول او ځان بسیاینه ته رسیدل دي، ښاغلي جمال زیاته کړه ټولو نړیوالو ته معلومه ده چې اشغالګرو او یرغلګرو د اشغال په وخت افغانستان کې پوځي اډې د جګرې او ورانۍ په موخه جوړې کړې وې، اما الحمد لله تاسو د دي عیني شاهدان یاست چې نن د ا ا ا مشرتابه د پوځی اډو څخه د ځانګړي اقتصادي زونونو په موخه کار اخلي.
