د کندوز ولایت د صنعت او سوداګرۍ نوې ودانۍ پرانیستل شوه
سه شنبه د غبرګولي ۳۱ نیټه ۱۴۰۱ کال
د صنعت او سوداګرۍ وزارت معین محترم مولوي قدرت الله جمال او ورسره پلاويې محترم ملا نیازمحمد واثق د معینیت اقتصادي سلاکار او محترم مطیعالله امید د ستراتیژۍ، پالیسۍ او پلان رئیس د کندوز ولایت د صنعت او سوداګرۍ ریاست نوې ودانۍ پرانیستله.
په دې پرانیستغونډه کې؛ د کندوز والي محترم نثاراحمد نصرت، د یاد ولایت د صنایعو او معادن خونو رئیسانو، سوداګرو او پانګوالو، د غالیو تولید کونکو او صادر کونکو اتحادیه یې غړو ګډون درلود .
ګډونوالو یادې غونډې ته د صنعت او سوداګرۍ وزارت معین له ګډون څخه خوښي څرګنده کړه او دایې یو نیک اقدام وارزوه او خپل وړاندیزونه او ستونزې په ګوته کړلې.
ښاغلي مولوي جمال وویل چې ستاسو ټولې غوښتنې اونیکې مشورې د ا.ا.ا له لوري منل کیږي، څرنګه مو چې په مقدس جهاد کې رغنده ونډه او همکاري درلوده؛ نو د هیواد په پرمختګ او ترقي کې هم ونډه تر سره کړئ، خپلې مشورې له موږ سره شریکې تر څو هیواد له احتیاج څخه وژغورو.
د صنعت او سوداګرۍ چارو معین پر هغو پانګوالو غږ وکړه چې له هیواد څخه د باندې اوسي راشۍ خپل هیوادکې پانګونه وکړئ او هیواد او هیوادوالو ته کټه ورسوئ ښاغلي جمال د صنعتي پارکونو د ځمکې او زیر بنا د قیمت د ټیټوالي خبر هم ورکړ.
