پرترانسپورتي وسایطودفیس ټاکلو په اړه د خصوصي سکتور سره د مشورتي ناسته
دوشنبه: د زمري۱۸مه ۱۴۰۰
هیواد ته په موقت ډول د دترانسپورتي وسایطو داخلیدو پر سند دفیس ټاکلو په اړه د خصوصي سکتور سره د مشورتي ناسته دصنعت او سوداګري وزیر ښاغلي نثار احمد غوریانې په مشرۍ د افغانستان د فدراسیون خونو د مرستیال ښاغلي خان جان الکوزي،دافغانستان د صنایعو او معادنو د خونې رئیس شیرباز کمین زاده،د ترانسپورت وزارت مرستیال داکتر اکبرجان پولاد،د ترانسپورت د سکتور،بهرنیو چارو وزارت،او د جمهوري ریاست د حقوقی واحد د استازو په ګډون د عبدالمجید زابلي د غونډو په تالارکې ترسره شوه.
د غونډې په پیل کې ښاغلي غوریاني وویل چې د خصوصي سکتور سره هغوي ته د اسانتیاوو رامنځته کولو په موخه د مشورتي ناستو لړۍ روانه ده .
ښاغلي غورياني زیاته کړه چې د افغانستان د اسلامي جمهوري دولت د ولسمشر د ستراتیژیکو اقتصادي موخو سره سم، د افغانستان له خاورې څخه د سوداګریزو موټرانو تګ راتګ د هیواد د اقتصاد په ګټه دی او له همدې امله د لویو موټرانو د لیږد لګښت باید د ټرانسپورټي سکتور د غوښتنو سره سم کم شي.
په دې ناسته کې، د ټرانسپورټ وزارت د پالیسۍ او تخنیکي چارو مرستیال، خانجان الکوزي ، شیرباز کامین زاده ، د ټرانسپورټ سکتور استازو، د ولسمشر حقوقي څانګې او د بهرنیو چارو وزارت استازو هیواد ته د داخلیدونکو موټرانو د مصرف د کمښت په اړه خپل نظرویات او وړاندیزونه د صنعت او سوداګرۍ وزارت سره شریک کړل.
پدې غونډه کې ، پریکړه وشوه چې افغانستان ته د سیمې د سوداګریزو بار وړونکو موټرو لنډمهاله ننوتلو لګښت، د هر بار وړونکي موټر لپاره په میاشت کې 10 او په کال کې 120 امریکایی ډالر وټاکل شوه چې د غونډو د ګډونوالو لخوا ومنل شوه .
