په بلخ او تخار ولایتونو کې د داخلې تولیداتو نندارتون
چهارشنبه د وری ۴مه ۱۴۰۰
د ۱۴۰۰ لمریز کال د پیل او نوروز د جشن د لمانځلو په لړ کې د بلخ او تخار ولایتونو کې د خصوصی او نړیوالو بنسټونو په همکارۍ د داخلي تولیداتو معرفت او ملاتړ په موخه نندارتونونه ترسره شول .
تخار ولایت د داخلي توکو په نندارتون کې د یاد ولایت متشبثو میرمنو د لاسي صنایعو ،کرهڼیزو توکو او نورو صنعتی برخو کې خپل تولیدات په ۴۰ غرفو کې د یوې ورځې لپاره نندارې ته وړاندې کړل .
همدا راز د مزارشریف په مرکز بلخ ولایت کې د داخلي تولیداتو نندراتون دیاد ولایت د صنعت کارانو او متشبثو میرمنو لخوا د لاسي صنایعو،زراعتې محصولات،وچې میوې او نورو داخلې تولیداتو سره په ۳۸ غرفو کې نندارې ته وړاندې شو.
دا نندارتونونه د ۱۴۰۰ یم لمریز کال او د نوروز د تاریخې جشن د لمانځلو په پلمه د ۵ وروځو لپاره د لیدونکو پرمخ پرانستل شوي دی.
د صنعت او سوداګرۍ وزارت د خصوصی سکتور څخه دملاتړ او د داخلي تولیدې توکو د معرفت په موخه د هیواد بیلابیل تولیداتو د ۱۴۰۰ لمریزکال د پیل او نوروز د چشن لمانځلو په هکله په ننګرهار،پروان اوکابل ولایتونو کې تر سره کړل .
د صنعت او سوداګرۍ وزارت په پام کې لری چې په روان کال کې په هیواد او د هیواد څخه بهر د کورنیو تولیداتو لپاره د بازار موندنې په موخه په بیلابیلو ولایاتو اوهیوادونو کې نندارتونه ترسره کړی.
