په ملي اسعارو سره د سوداګریزو راکړو ورکړو بیاکتنه
چهارشنبه د سلواغې ۲۰مه
په ملي اسعارو سره د پیسو د لیږد او سوداګریزو راکړو ورکړو د ستونزې په اړه ګډه غونډه د صنعت او سوداګرۍ وزارت د سرپرست نورالدین عزیزي په مشرۍ د دغه وزارت د د غونډو په تالار کې ترسره شوه .
په دې غونډه کې د بانکدارۍ سکتور (دولتی او خصوصي)، سوداګرو، د مالیې وزارت استازو او د کابل پوهنتون د اقتصاد پوهنځي استادانو په حضوری او انلاین ډول برخه اخیستې وه او پر یاده موضوع یې خبرې وکړې.
د غونډې په پیل کې په ملي اسعارو سره د پیسو د لیږد او سوداګریزو راکړو ورکړو د ستونزو په اړه ګډونوالو ته هر اړخیز معلومات ورکړل شول.
په ازاد بحث کې ګډونوالو په علمي، تخنیکي او عملي لارو چارو خبرې وکړې او خپل بېلابېل نظریات او وړاندیزونه یې څرګند کړل
په پای کې پریکړه وشوه چې ښکیلې خواوې دې په دې اړه لا زیات غور وکړې او خپل وروستي نظریات دې د صنعت او سوداګرۍ له وزارت سره په لیکلي ډول شریک کړي.
