په هرات ولایت کې د صادراتي محصولاتو داسنادو دپروس د واحد مرکز پرانیسته
سه شنبه دچنګاښ ۱۵مه ۱۴۰۰
په هرات ولايت کې دصادراتي محصولاتو داسنادو دپروسس واحد مرکز د صنعت او سوداګرۍ وزیر ښاغلي نثار احمد غوریاني ، د مالیې سرپرست وزیر محمد خالد پاینده ، د هرات ولايت والي سترپاسوال عبدالصبور قانع، دکرنې اوبو لګولو او مالدارۍ وزارت اودخصوصي سکتور استازو په حضور کې پرانستل شو.
دا مرکز د افغانستان د اسلامي جمهوریت د پراختیايي بودیجې څخه د څه د پاسه لس ملیونه افغانیو په لګښت د هرات ولایت د اسلام قلعه ګمرک کې د هیواد د صادراتي توکو د اسنادو د پروسس لپاره د اسانتیاو د برابرولو په موخه جوړ شوی
ښاغلي غوریاني د پرانیستې په مراسمو کې وویل چې په هرات ولایت کې د صادراتي محصولاتو داسنادو پروسس پرمهال د یوه واحد مرکز د جوړولو هدف د هیواد د محصولاتو د صادراتو د زیاتوالي لپاره لازمې اسانتیاوې برابرولی شي.
ښاغلي غوریاني همدارنګه زیاته کړه چې دوه اوونۍ دمخه په کابل ، کندهار او ننګرهار ولایتونو کې هم واحد مرکز پرانستل شو او په نږدې راتلونکي کې به ورته مرکزونه د صادراتو د اسنادو د پروسې د اسانتیا په موخه په نورو سرحدي ولايتونوکې پرانستل شي.
په دغو مراسمو کې ، د مالیې سرپرست وزیر ، محمد خالد پاینده وویل ، چې د کابل ، کندهار ، ننګرهار او هرات ولایتونو د ګمرک دفترونو کې د مرکز هدف د صادراتو د زیاتوالي لپاره د اسانتیاو چمتو کول او د اسنادو بشپړولو لپاره اړین وخت کمول دي. .
په دې مراسمو کې ، د صادراتو په چاروکې د ولسمشر سلاکار ، د کرنې ، اوبو لګونې او مالدارۍ وزارت استازو او خصوصي سکتور هم د دې مرکز تاسیس د هیواد د صادراتو پراختیا او د اسانتیاو برابرولو کې ارزښتمن ګام وباله.
