په افغانستان کې دبریښنایي سوداګرۍ دوضیعیت دارزونې کنفرانس دایرشو
پنجشنبه : دسلواغې ۹مه ۱۳۹۹
په افغانستان کې دبریښنایي سوداګرۍ دوضیعیت دارزونې کنفرانس دصنعت او سوداګرۍ وزیر ښاغلي نثار احمد غوریاني ، داقتصاد وزیرې دوکتور کریمه حامد فاریابی او دخصوصي سکتوراستازوپه حضورکې دایر شو.
په دغه کنفرانس کې دبریښنایي سوداګرۍ په وړاندې دستونزو، ننګونو او راکړې ورکړې په اړه په کور دننه او له ګاونډیو هېوادونو سر د دیجیتلي تړاو څرنګوالی وارزول شو.
ښاغلي غوریاني وویل چې دبریښنایي سوداګرۍ لپاره په افغانستان کې ګامونه پورته شوي او زیاته یې کړه چې دافغانستان اسلامي جمهوري دولت هم په دې اړه هڅې تر سره کړي دي همداراز د صنعت او سوداګرۍ وزارت هم دیادې سوداګرۍ لپاره تر واحد چتر لاندې دجوازونو ویش پیل کړی دی.
ښاغلي غوریاني دا هم وویل چې دصنعت او سوداګرۍ وزارت په خپل ټول توان سره دخصوصي سکتور لپاره اسانتیاوې برابروي او هڅه کوي چې افغانستان له نورې نړۍ سره دبریښنایي سوداګرۍ له لارې ونښلوي.
دغه کنفرانس چې په کابل کې دالبیروني څیړنیز انستیتوت له لارې دایر شوی ، موخه یې داده چې دبریښنایي سوداګرۍ په وړاندې ستونزې او ننګونې وڅیړي او تر څنګ یې دیادې سوداګرۍ په پراختیا کې داړونده ادارو او وزارتونو ونډه هم معلومه کړي.
دیادونې وړ ده چې دافغانستان اسلامي جمهوري دولت هم دبریښنایي راکړې ورکړې قانون تصویب کړی او دبریښنایي حکومتولی او سوداګرۍ په برخه کې یې مهم ګامونه اوچت کړي دي او افغان پست ته یې هم ویلي چې دافغان سوداګرو صادراتي توکي په ټیټه بیه دنړۍ نورو هېوادونو ته صادر کړي.
